COMUNICÁU ESCENASTURIAS. Un golpe más dende’l Principáu pa les Artes Esceniques D’Asturias
30 Sep 30+00:00 2018
COMUNICÁU ESCENASTURIAS
UN GOLPE MÁS DENDE’L PRINCIPÁU PA LES ARTES ESCÉNIQUES D’ASTURIES.
29/09/2018
Güei espublizóse nel BOPA la derogación de la normativa que regulaba’l funcionamientu de l’Axenda Didáctica Escolar, l’únicu programa de campañes escolares xestionáu pol Principáu que fundía Artes Escéniques, educación y polítiques de Normalización Llingüística del asturianu.
Una vegada más, la Conseyería argumenta, cola Nueva Llei de Contratos del Sector Públicu en mano, que nun puede facer nada. Una vegada más, nós repitimos que la Llei tien dellos puntos específicos pa les Artes Escéniques, concretamente’l 25.1 y el 168.2 que permiten la contratación d’esti tipu d’actividaes de forma directa.
Ye importante anotar que la nueva Llei rique realizar más papeléu y trámites y que dende esti llau del tableru, bonalmente, paez que’l Principáu y los sos xestores quieren llibrase de la burocracia.
En fundiendo, por esta nueva Llei, el Circuitu d’Artes Escéniques, el Principáu márcase otru gol con nós y col nuesu sector, esta vegada afectando tamién al sector educativu y a tou tipu de política llingüística.
Les Empreses d’Artes Escéniques del Principáu d’Asturies solo podemos pensar que, en cuenta de protexer el nuesu sector, como ye’l so deber, el Principáu ta exerciendo un acoso continuu escontra nós y la nuesa actividá, averándose al “Bullying” o al “Mobbing”.
A lo cabero, queremos comunicar que güei para nós Asturies nun ye un Paraísu Natural. Güei para nós Asturies ye un Fracasu Cultural.
Luis Alija
Presidente de EscenAsturias
